ENTREGA AGASALLOS CONCURSO PASAPORTE LECTOR

Para finalizar a Semana do Libro, hoxe fixemos a entrega dos agasallos do Concurso do Pasaporte Lector. Foron moitos os traballos recibidos no buzón da biblioteca e difícil escoller aos premiados.

Noraboa aos gañadores e deixamos aquí o noso agradecemento a todos aqueles que participáchedes con ilusión e con moito esforzo. Podedes ver os traballos premiados no taboleiro da entrada ao cole.

Premiados de Educación Infantil

Premiados de 1º ,2º e 3º de Educación Primaria

Premiados de 4º, 5º e 6º de Educación Primaria

Diplomas dos premiados

Agasallos de Educación Infantil

Agasallos de 1º e 2º

Agasallos de 3º e 4º

Agasallos de 5º e 6º 

O NOSO PROXECTO NA XORNADA EDUCACIÓN DIXITAL

O traballo colaborativo é o que caracteriza ao noso Claustro, por iso, tres das nosas mestras, dúas de Primaria e unha de Infantil foron as encargadas de compartir co resto dos mestres e mestras asistentes á Xornada Educación Dixital o día 21 de Abril en Santiago de Compostela o proxecto documental integrado deste curso: Experimento VI: Ciencia e tecnoloxía. 

Estamos moi orgullos@s de compartir e contaxiar novas formas de aprendizaxe e do gran traballo que se está a facer no noso centro.

Grazas a tod@s: mestres, familias e sobre todo aos nosos alumnos e alumnas.

NOVAS MARIONETAS DE DEDOS

E temos novos integrantes no baúl das marionetas: os bibliorobotiños para xogar coa imaxinación e o teatro. Os mais pequenos do cole inventan e crean estupendas historias con estes novos amigos. 

PARTICIPAMOS NO STEMlab GALICIA

O día 20 de Abril, catro representantes do noso centro, dous alumnos de 5º e dous de 6º de Educación Primaria acudiron xunto con dous mestres á Feira STEMlab Galicia en Santiago de Compostela.

Os catro alumnos encargáronse de explicar a todos os asistentes ao evento o uso e aplicacións que levamos a cabo dentro do noso proxecto coas Raspberry, como por exemplo o uso para facer Timelapse ou a Estación Metereolóxica. 

Foi unha gran sorpresa atopar entre os asistentes ao astronauta Pedro Duque, ao Presidente da Xunta Alberto Núñez Feijóo e ao Conselleiro de Educación Román Rodríguez González, que escoitaron con moito interese ao noso alumnado. Podemos velo no vídeo que publicou A Voz de Galicia.

Podes atopar mais información sobre o evento no blogue  do proxecto.

LECTURAS COMPARTIDAS CO IES AS BIZOCAS

Hoxe, Día do Libro, realizamos unha actividade intercentros. O alumnado do clube de lectura e voluntarios de 4º da ESO do IES As Bizocas, moitos deles, ex-alumn@s do noso cole, viñeron a celebrar o Día do Libro co alumnado de 6º de Educación Primaria.
Primeiro xuntámonos todos na biblioteca e despois de explicarlles a actividade das lecturas compartidas, fixemos o sorteo das parellas. O alumnado de 6º foi collendo un papeliño co nome dun alumno/a do IES. Cada parella saíu ao patio para comentar e compartir as súas lecturas favoritas. Despois xuntáronse varias parellas, ata facer grupos mais grandes.
Por último, todos pasaron por un "Fotocol" feito polos alumnos do instituto. Foi moi divertido porque trouxeron disfraces, sombreiros, gafas... para facer as fotos.

Grazas pola visita, esperamos veros o vindeiro ano.

RECURSOS E ACTIVIDADES POLO DÍA DO LIBRO

Como todos os anos o Equipo de Biblioteca preparou o expositor adicado ao Día do libro. Ademais destes libros, podedes atopar mais recursos na nosa pestada DÍA DO LIBRO.

Son moitas as actividades que temos programadas para celebrar este día.

Comezamos xa o día 20 coa visita ao noso alumando de 3º de Ed. Primaria dun dos autores de"Cámbiache o conto!",  Carlos López (Chinto).
Primeiro contoulles como decidiu comezar a escribir, falaron do libro que o alumnado lera xa no seu plan anual de lectura e despois contoulles moitos mais contos divertidos doutros libros del. Terminou a sesión asinando cada un dos libros dos rapaces e rapazas.

 

O día 23 recibiremos a visita do Clube de lectura do IES As Bizocas cos que temos previsto facer unhas lecturas compartidas co noso alumnado de 6º de Ed. Primaria.

O longo de toda a semana faremos exposición dun LIBRO DE EXPERIMENTOS elaborado por todo o centro dende Ed. Infantil ata 6º de Ed. Primaria.

E para rematar a semana o día 27 faremos entrega dos agasallos para os premiados no concurso do Pasaporte Lector.

Traballos do concurso

TOD@S AO SALÓN DO LIBRO

O mércores 18 de Abril fomos todo o cole dende Educación Infantil ata 6º de Primaria a visitar o Salón do Libro de Pontevedra. Como centro colaborador da exposición de traballos fomos invitados pola organización para facer visitas guiadas e diferentes actividades segundo os niveis educativos. Para os máis pequenos, contacontos e para os maiores, obradoiros creativos. Foi unha mañá divertida, diferente e moi produtiva.

A NOSA APORTACIÓN NOS ENCONTROS DO PLAMBE 17-18

Nos Encontros do PLAMBE 2017-2018 que tiveron lugar este pasado fin de semana colaboramos nunha nova sección: Bibliotecas que prestan. Preme na imaxe para ver as diferentes bibliotecas que participaron, entre elas, a nosa. A ver se podedes atopala!

CADA CUADRO CON SU CUENTO

Unha vez mais visitáronos as responsables da Biblioteca Municipal de O Grove. Nesta ocasión para facer un obradoiro moi especial co alumnado de 5º de Educación Primaria:

"Cada cuadro con su cuento" de Juan Ramón Brotons foi o libro punto de partida desta actividade na que o alumnado traballou cun libro informativo sobre o arte e a partir del comenzaron a crear as súas propias historias baseadas nas obras de arte que aparecen nel. 

Foi unha actividade diferente e divertida. O alumnado aprendeu moitísimo sobre as obras de arte e ademáis deron renda a súa imaxinación creando contos e historias que non deixaron de sorprendernos.

Preme na imaxe para ver a galería de fotos

COMISIÓN DE BIBLIOTECA

Hoxe tivo lugar a 2ª xuntanza da Comisión de Biblioteca deste curso escolar.  Informamos á comunidade educativa das novidades do segundo trimestre e fixemos entrega do boletín informativo.
Preme na imaxe para velo.

NOVOS CURSOS DE XADREZ

Tralo éxito das clases de Xadrez levadas a cabo no mes de Marzo, ampliamos o obradoiro aos niveis dos máis pequenos de Educación Primaria. Durante este 3º trimestre levaranse a cabo sesións de Xadrez organizados e dirixidos polo alumnado de 6º para o resto dos cursos cumprindo co seguinte calendario:

Martes, 10 de Abril: Alumnado de 2º

Luns, 23 de Abril: Alumnado de 1º

Xoves, 3 de Maio: Alumnado de 3º

Martes, 8 de Maio: Alumnado de 4º

Martes, 22 de Maio: Alumnado de 5º e 6º

Luns, 4 de Xuño e Martes, 12 de Xuño: Campionatos

Participamos no XIX Salón Internacional do Libro en Pontevedra

Preme na imaxe para ver o programa de actividades do Salón.

Hoxe comeza o XIX Salón Internacional do Libro en Pontevedra, onde por primeira vez o CEIP Valle-Inclán de O Grove participa e colabora co traballo  Mulleres que contan, conta con elas. Non dubides en visitar o Salón e buscar a nosa maqueta na exposición dos traballos dos coles. Toda a información do Salón aquí.

RECURSOS DÍA MUNDIAL DA SAÚDE

O día 7 de Abril é o Día Mundial da Saúde.
Tedes os recursos seleccionados e actualizados na pestana SAÚDE.

O lema proposto este ano pola OMS é
"Saúde para todos coa cobertura sanitaria universal".

No noso centro apostamos pola prevención das enfermidades e o coidado do corpo organizando actividades físicas e deportivas. Neste terceiro trimestre continuaremos cos adestramentos de atletismo e a liga de carreiras de O Grove e iniciaremos as sesións aeróbicas para todo o alumnado, as ligas de baloncesto dos maiores e o campionato de brilé. Consulta o noso blogue do PROXECTO DEPORTIVO e non perdas a oportunidade de participar.