GUÍA DE LECTURAS "MANS DE TERRA" POLO NADAL

A nosa mascota da biblioteca, Lililibro, e a mascota do proxecto Mans de terra, o espantallo Mr. Palla recomendan lecturas para pedir polo Nadal. Preme na imaxe para ver a guía. 

COMEZAMOS COAS MELLORAS

Esta mañá comezamos mestres e alumnado a vaciar a biblioteca. Aproveitaremos as vacacións de Nadal para acondicionar o chan da mesma. Por iso, durante esta semana só se poderán facer devolucións.

OBRADOIRO NA BIBLIOTECA.

OBRADOIRO “FAI O TEU LOGO”

DÍA: MARTES, 20 DE DECEMBRO

HORA: 12:10 H.

LUGAR: BIBLIOTECA

O equipo de axudantes de biblioteca vai impartir un curso sobre creación de logos. Todo o alumnado que queira poderá apuntarse a partires de hoxe na biblioteca durante o tempo de lecer avisando ao mestre de garda ou aos axudantes de biblioteca.

CHEGA O NADAL

Falta pouco para o Nadal e o comezo dunha nova estación: O inverno.
A nosa árbore mudará de aspecto: as follas e as setas cubriranse coa neve e as pólas quedarán totalmente núas...Así que para alegrar a árbore e darlle cor, ímola encher de adornos navideños.
Cal será o teu?  Busca no taboleiro de Nadal en Pinterest. Alí atoparás moitas ideas.

Na pestana de NADAL publicamos unha selección de recursos para estes últimos días antes das vacacións de Nadal:  libros, vídeos, cancións, manualidades...

O alumnado de 6º xa está a preparar as guías de lectura que recibiredes todos moi pronto.

ESTAMOS PREMIADOS NO III CONCURSO DE TRABALLOS POR PROXECTOS!

http://vivirtocandoomar.blogspot.com.es/

CANDO UN COLE SE UNE... ALGO GRANDE PODE OCORRER.

Comezamos o mes de Decembro con moi boas novas para o noso cole. Despois de moitos días de traballo durante todo o curso 2015-2016, co proxecto "Vivir tocando o mar", buscando e seleccionando información, levando a cabo actividades co alumnado e coas familias, elaborando e publicando documentos, presentando memorias... fomos premiados no III Concurso de Traballos por proxectos que convoca a Consellería.

Grazas a toda a Comunidade Educativa que o fixo posible!

CARREIRA QUILÓMETROS DE SOLIDARIEDADE SAVE THE CHILDREN

Un ano máis colaborando coa Fundación Save the Children, o CEIP Valle-Inclán de O Grove organiza unha carreira solidaria no patio do colexio.
Será o día 9 de Decembro se o tempo o permite e aproveitaremos este evento para conmemorar o Día dos Dereitos Humanos.
Para traballar os contidos antes da carreira, a Fundación Save the Children enviounos material didáctico que podedes ver premendo nas palabras subliñadas.
E coma sempre o equipo de biblioteca ten a vosa disposición unha ampla variedade de contos na sección de VALORES. Non esquezades visitar o taboleiro adicado aos DEREITOS. Nel temos seleccionados recursos interesantes.

NOVA PESTANA DE RECURSOS: CONSTITUCIÓN E ESTATUTO DE AUTONOMÍA DE GALICIA

O equipo de biblioteca coa colaboración dos axudantes de 6º  prepararon o expositor cos libros para as conmemoracións do día da Constitución e o Estatuto de Autonomía de Galicia.

Tamén podedes ver os recursos seleccionados na nova pestana: CONSTITUCIÓN- E.A.GALICIA

                 

Nenos e nenas do Valle-Inclán na TVG

O curso pasado algúns nenos e nenas de Ed. Infantil e de 1º de Ed. Primaria participaron na gravación duns vídeos para a TVG na nosa biblioteca. Aquí tedes o resultado.
Son uns ARTISTAS!!!

ACTIVIDADE COA ONG SEMILLA PARA EL CAMBIO

O alumnado de 4º, 5º e 6º de Educación Primaria acudiron á biblioteca na mañá de onte para realizar actividades coa ONG Semilla para el cambio. Toda a información podédela ver no blog de Mans de terra.

RECURSOS PARA O 25 N: DÍA CONTRA A VIOLENCIA DE XÉNERO

Xa están a vosa disposición os libros para traballar os temas da igualdade e contra a violencia de xénero no expositor ubicado ao pé da nosa árbore de biblio. Tamén atoparás recursos dixitais na rede tan só premendo na imaxe ou na pestana deste blog adicado a este día.

NOVA GUÍA DOS BOLECHAS

Chegou pola mañá un lote de 50 libros dos Bolechas. Trátase dunha nova guía educativa que leva por título: Os Bolechas visitan unha granxa mariña. 
En breve, o equipo de Biblioteca rexistrará estes novos fondos e estarán a disposición da comunidade educativa.

TRABALLO DE 5º

Hoxe, dous alumnos de 5º de Educación Primaria trouxeron á biblioteca a súa maqueta do Sistema Solar para decorar o noso espazo de Ciencias Naturais. Os nenos e nenas de Educación Infantil que estaban nese momento na súa sesión de biblio quedaron encantados e mostraron o seu interese por saber cal era a Lúa e cal a Terra.

Podedes ver mais actividades deste grupo no seu blog de aula.

RECURSOS EDUCATIVOS PARA O 20 N: DÍA UNIVERSAL DOS DEREITOS DA INFANCIA

Xa está a vosa disposición o expositor temático sobre o 20 N: Día Universal da Infancia, que este ano aparece no calendario escolar como conmemoración a celebrar nos centros educativos. Por iso, o equipo de biblioteca e os seus axudantes seleccionaron os fondos bibliográficos dos que dispoñemos na nosa biblioteca.

Se premes na imaxe poderás ver os fondos dos que dispoñemos.

Ademáis podes atopar máis información, actividades e xogos na pestana adicada a este día: 20 N INFANCIA

XA É OFICIAL: ESTAMOS NO PLAMBE!!

Durante varios anos o noso centro presentou o seu proxecto de biblioteca para entrar a formar parte do PLAMBE (Plan de Melloras de Bibliotecas Escolares). 

Os esforzos postos nun cambio na forma de traballo do centro como foi o PDI (Proxecto documentado integrado) "Vivir tocando o mar" no que participou a Comunidade Educativa ao completo (alumnado, mestres, familias, Concello e outras entidades...) foi unhas das chaves para conseguilo. Agora, coa boa nova, publicada no DOG do 26 de Outubro, podemos dicir que agora SI!, estamos no PLAMBE e que sen dúbida a contía asignada para o noso centro será invertida en reformar a nosa biblioteca, seguir coordinando os traballos por proxectos e aumentar os fondos bibliográficos.

Grazas a todos e todas os que formades o colectivo desta Comunidade Educativa.

CONTACONTOS POR UN DÍA

Que veña mamá ao cole é algo que motiva moito aos meniños, sobretodo na etapa de Educación Infantil. Por iso, invitamos ás familias destes pequenos a participar na actividade "Contacontos por un día".
E que dicir.... foi un éxito rotundo. Os nenos e nenas pasárono moi ben, as mestras encantadas e as mamás foron unhas auténticas profesionais.

Preme na imaxe para ver a galería de fotos.

Os nenos e nenas fixeron entrega dos diplomas ás mamás.

BIBLIOTECA DE MESTRES

Inauguramos nova sección da Biblioteca na Sala de mestres, onde podedes atopar diferentes fondos bibliográficos de uso exclusivo para o profesorado do centro. Esperemos que sexa de utilidade para as vosas clases. Entre outras novidades, destacar o libro "Gracias, Finlandia" que xa forma parte desta sección.
 

CONTACONTOS CON POLO CORREO DO VENTO

Hoxe tivemos a visita de Polo Correo do Vento.
Grazas a colaboración das responsables da Biblioteca Municipal de O Grove, hoxe visitáronnos dous profesionais na aventura dos contacontos e a ilustración.
O tema do conto foi a vida de Manuel Lueiro Rey, quen cumple cen anos do seu nacemento; foi un escritor afincado durante moitos anos no Grove e que da nome á Biblioteca Municipal.

Polo Correo do Vento co alumnado de 2º e 3º de Ed. Primaria

ACTIVIDADE NO PLAN LECTOR CON MR.PALLA

Comezamos unha nova actividade de animación á lectura coa mascota do proxecto Mans de terra. Animamos a todo o alumnado a lerlle, cantarlle ou contarlle historias ao Espantallo Mr. Palla que como sabedes vixía a entrada do colexio e nos da a benvida todas as mañás.
Os primeiros en lanzarse a aventura foron os nenos e nenas de 1º e 2º de Educación Primaria. Todos os vídeos destas actuacións podédeas ver no blog do proxecto na pestana "Lecturas a Mr.Palla"

http://mansdeterra.blogspot.com.es/p/lecturas-ao.html

DONDE LLORAN LAS MUSAS

Javier García Núñez, non só é o mestre titor de 2º A, ademais é un poeta. Acaba de regalar á nosa biblioteca o seu primeiro poemario "Donde lloran las musas". Nel atoparedes verbas de amor, desamor, guerra, soidade e sobre todo a luz que todos levamos dentro. 

XORNADA DE PORTAS ABERTAS 2016

O día 27 de Outubro, aproveitando a semana do día das bibliotecas escolares, convidamos ás familias a participar nunha xornada de portas abertas na biblioteca do centro.

Comezamos expoñendo os postres terroríficos que as familias trouxeron para o concurso.

A primeira actuación foi a do alumnado de 1º e 2º de Ed. Primaria que preparou coa súa mestre de música unha canción que leva por título: O Outono.

A continuación os maiores do cole fixeron un contacontos: "A castaña que rebentou coa risa".

Aproveitamos a ocasión para presentar á Comunidade Educativa o Proxecto Documentado Integrado Mans de terra e a resolución da votación do nome da súa mascota: 

O espantallo Mr. Palla.

Trala degustación dos postres, fixemos a votación e a entrega de premios.

Que bos estaban os doces!

GRAZAS ÁS FAMILIAS POLA SÚA COLABORACIÓN!

RECURSOS EDUCATIVOS PARA EDUCACIÓN INFANTIL

Recibimos no noso centro da Consellería de Medio ambiente e Ordenación do Territorio un lote de recursos educativos para Educación Infantil elaborados polo Proxecto Terra do Colexio Oficial de Arquitectos de Galicia. Este lote contén varios exemplares do conto "Sabela e as zocas máxicas", un xogo de tarxetas, marcapáxinas, guías para o profesorado, dúas casiñas de cartón e o conto en láminas grandes para lerlles aos meniños. O conto estrutúrase en tres historias relacionadas cos tres ámbitos máis significativos na vida dos cativos: a casa, a escola e o camiño que percorren todos os días dunha á outra. Todos os recursos están tamén na web proxectoterra.

SAMAÍN AGRÍCOLA

No Ceip Valle-Inclán de O Grove estamos abraiados coa colaboración das familias na exposición de cabazas deste ano. Son uns auténticos artistas decorando as cabazas pola súa creatividade e profesionalidade. No seguinte enlace podedes ver o vídeo montado polo noso equipo de TICS.
Grazas a todos.

Tamén podedes ver as fotos no seguinte enlace:

FORMACIÓN DE USUARIOS E ACTIVIDADES DE ANIMACIÓN Á LECTURA

A semana pasada, co motivo da celebración do día das bibliotecas (24 de Outubro), recibimos a visita de dúas profesionais da Biblioteca Municipal de O Grove.
Os nenos e nenas de 4º de Ed. Primaria recibiron unha sesión de formación de usuarios, onde ademais de repasar o que se pode facer na biblioteca, descubriron bibliotecas de todo o mundo.
Despois, escoitaron contacontos e por último fixeron unha dinámica de grupo de animación á lectura. O alumnado quedou encantado coas actividades.